एक समयको कुरा हो, एक शक्तिशाली राजा थिए जसको राज्य निकै विशाल थियो। उनको एक मात्र छोरा, राजकुमार अरिन, निकै बुद्धिमान र साहसी थिए। उनको बिबाहको कुरा चलि रहंदा, उनी एउटै प्रश्नको उत्तर खोज्दै थिए— "एउटी स्त्रीको सबैभन्दा ठूलो चाहना के हो?"
अरिनले धेरैजसो विद्वान, ऋषि-मुनि, र राजकीय सभाका ज्ञानीहरूसँग परामर्श गरे, तर कसैले पनि उनलाई सन्तोषजनक उत्तर दिन सकेन।
एकदिन, एक वृद्ध साधुले भने, "यदि तिमीलाई यो प्रश्नको सही उत्तर जान्नुछ भने, तिमीले पश्चिमी जंगलको गहिराइमा बस्ने एक रहस्यमयी महिलासँग भेट गर्नुपर्छ।"
राजकुमार अरिन त्यस रहस्यमयी महिलाको खोजीमा जंगलतिर लागे। धेरै दिनसम्म जंगलमा भौंतारिएपछि, उनले एउटा उजाड गुफामा बसेकी एउटी अनौठी महिलालाई भेटे। उनको अनुहार अलि डरलाग्दो थियो, तर आँखाहरू असाधारण बुद्धिमानी झल्काउने खालका थिए।
त्यो महिलाले मुस्कुराउँदै भनिन्, "मलाई थाहा छ तिमी किन आएको छौ, तर तिमीले उत्तर जान्न चाहन्छौ भने, मसँग विवाह गर्नुपर्छ।"
राजकुमार द्विविधामा परे। उनले कल्पना नै नगरेको प्रस्ताव थियो। तर, प्रश्नको उत्तर नपाएसम्म उनले शान्ति पाउने थिएनन्। अन्ततः उनले विवाहको प्रस्ताव स्वीकारे।
विवाहको पहिलो रात, महिलाले मुस्कुराउँदै भनिन्, विवाह गरेर तिमीले मेरो मन खुशी पारि दियौ, म तिम्रो लागि 12 घण्टा सुन्दरी र 12 घण्टा आफ्नै रुपमा रहने छु, ल भन कति बेला के बनम ?
राजकुमार द्विविधामा परे येदि दिनमा सुन्दरी बन्यो भने रात् बिताउन गारो हुन्छ, रातमा परि बन्यो भने दिनमा समाजले के भन्ला । जवाब दिन नसक्दा उनले भने, यो तिम्रो जीवन हो, तिमी आफैंले निर्णय गर कति बेला के बन्ने ।
जवाब सुनेर रहस्यमयी महिलाले भनिन्, तपाईं ले खोजेको प्रश्न को जवाब येही हो "एउटी स्त्रीको सबैभन्दा ठूलो चाहना भनेको उसको आफ्नो जीवनमा पूर्ण स्वतन्त्रता पाउनु हो। प्रत्येक महिलाले, कसले उनलाई सम्मान गर्छ, उसले कसलाई प्रेम गर्छ, र कसरी बाँच्छ भन्ने निर्णय आफैं गर्न चाहन्छ।"
यो सुनेपछि, राजकुमार आश्चर्यचकित भए। उनले महसुस गरे कि साँचो शक्ति भनेको अरुलाई उनीहरुको निर्णय गर्न दिनु हो। त्यही रात, जब राजकुमार कोठामा पसे, उनले आफ्नी नवविवाहित पत्नीलाई हेरे। अब उनी कुनै डरलाग्दो महिला थिइनन्, बरु अनुपम सुन्दरीमा रूपान्तरण भइसकेकी थिइन्।
राजकुमार चकित भए। उनले सोधे, "यो कसरी सम्भव भयो?"
उनकी पत्नीले मुस्कुराउँदै भनिन्, "म एउटा श्रापित राजकुमारी थिएँ। मलाई यो श्रापबाट मुक्त हुन केवल एउटै उपाय थियो—कोही पुरुषले मेरो स्वतन्त्रताको सम्मान गरोस्। तिमीले मलाई मेरो निर्णय गर्ने अधिकार दियौ, त्यसैले आज म आफ्नो वास्तविक रूपमा फर्किएको छु।"